Ba Mu Yajin aiki, A Shirye Muke Don Koyarwa Idan Dalibai Suka Dawo -CONUA

Daga Kamal Aliyu Sabongida

“Kodinetan kungiyar Congress of Nigerian Universities Academics (CONUA), Niyi Sunmonu, ya ce mambobin kungiyar da aka yi wa rajista ba sa yajin aiki kuma za su koyar da dalibai idan sun koma aji.

“A ranar Talata ne gwamnatin tarayya ta yi rajistar wasu sabbin kungiyoyin jami’o’i guda biyu wato CONUA da National Association of Medical and Dental Academic (NAMDA).

“Kungiyar Malaman Jami’o’i (ASUU) ta shiga yajin aikin ne tun a watan Fabrairu, inda aka ci gaba da kokarin ganin an dawo da malaman ajin.

“A wata hira da aka yi da shi a gidan talabijin na Channels TV Sunrise Daily, Niyi Sunmonu ya ce mambobin CONUA ba su yarda da yajin aikin ba.

“Ya ce, “CONUA a kungiyance ba ta shiga yajin aikin ba; babu wani lokaci da aka ayyana yajin aikin. To ASUU kungiya ce mai zaman kanta kuma abin da take yi ba shi da wani tasiri a kan sauran kungiyoyin kamar

 mutane biyu daban-daban. Ba mu shiga yajin aiki ba kuma ba ma yajin aiki.

“Mun daina koyarwa ne lokacin da aka ce dalibai su bar wuraren karatu. Muna fatan jami'a za ta bude kuma mu koma koyarwa. Kafar CONUA baya kan yajin aikin da kungiyar ‘yan uwa ASUU ta bayyana. Ba mu shiga yajin aikin ba, a shirye muke mu yi aiki idan dalibai sun dawo jami’a.”

Sunmonu ya kuma ce kawo yanzu kungiyar na da rassa 17.