A fara duban watan Sha'aban a gobe, Sultan ya umarci Musulmai

A fara duban watan Sha'aban a gobe, Sultan ya umarci Musulmai

Mai Alfarma Sarkin Musulmi, SultanSa'ad Abubakar ya umarci Musulmai a faɗin ƙasar nan da su far duban watan Sha'aban 1443AH da ga gobe Alhamis.

Watan Sha'aban shi ne na takwas a jerin watannin Musulunci,  wanda da ga shi sai watan Ramadan.

Sultan ya bada umarnin ne a wata sanarwa da Farfesa Sambo Junaidu, Shugaban Kwamitin Shawarwari na Harkokin Addini  na Masarautar Sokoto, ya sanya wa hannu a yau Laraba.

Ya ce a na sanar da al'ummar Musulmi cewa gobe Alhamis, 29 ga watan Rajab, wacce ta zo daidai da 3 ga watan Fabrairu, ita ce ranar da za a fara duban jaririn watan Sha'aban 1443 AH.

"Sabo da haka sai Musulmai su fara duban jaririn watan Sha'aban a gobe kuma duk wanda ya gan shi ya kai rahoton zuwa ga Hakimin ko dagacin ko mai unguwa mafi kusa domin ƙarin bayani,"in ji Sultan.

Ya kuma yi addu'ar Allah Ya taimaki al'ummar Musulmi a kan yi wa addini hidima. Majiya: Katsina City News